Fukara jam, po shpirtin nuk e kam fukara. VERI

Nuk mbulohet dielli me shoshë. – JUG

Me lopatë ari dhe shat argjendi tunden e lëkunden edhe malet nga vendi. – SARANDË

Nuk bëhet stani me dhi të egra. VLORË

Mos e lëndo ku i dhemb. JUG

Kali i botës s’të nxjerr jashtë portës. – SARANDË

Gjëmon voza që nuk ka verë. – JUG

Dy milion kur hanë bukë, dyqind milion kur bëjmë pushkë. – JUG

Kur piqen dy vezë, njëra do thyhet. – VLORË

Fjala në vend të huej, bahet gur. – VERI